A Agrupación Folclórica Colexiata do Sar actuará na Gala do Cocido de Lalín 2014, que terá lugar o próximo venres 21 de febreiro no multiusos Lalín Arena. Como en anos anteriores, esta Gala será retransmitida en directo pola Televisión de Galicia a partir das 22:00 horas, dentro do programa Luar - Gran Festa do Cocido, durante o que se entregarán os Premios de Gastronomía de Galicia e o Álvaro Cunqueiro de periodismo gastronómico.

O próximo mes de marzo, a Escola de Danza e Música Tradicional da Agrupación Folclórica Colexiata do Sar incorporará tres novas actividades ao seu programa: Pandeireta: Iniciación (A partir de 15 anos), Pandeireta: Perfeccionamento (A partir de 15 anos) e Coral tradicional (Adultos).

O luns 3 de febreiro, a Agrupación Folclórica Colexiata do Sar actuará na festa que a parroquia de Sar (Santiago de Compostela) celebra anualmente en honor a San Blas.