17 / 02 / 2014
A AF COLEXIATA DO SAR ACTUARÁ
NA GALA DO COCIDO DE LALÍN 2014
A Agrupación Folclórica Colexiata do Sar actuará na Gala do Cocido de Lalín 2014, que terá lugar o próximo venres 21 de febreiro no multiusos Lalín Arena. Como en anos anteriores, esta Gala será retransmitida en directo pola Televisión de Galicia a partir das 22:00 horas, dentro do programa Luar - Gran Festa do Cocido, durante o que se entregarán os Premios de Gastronomía de Galicia e o Álvaro Cunqueiro de periodismo gastronómico.
Ademais da Agrupación Folclórica Colexiata do Sar, confirmouse a presenza de artistas como Luz Casal, Mónica Naranjo, El Viaje de Elliot, Soraya, Andrés Suárez, a Orquesta Cinema, a Banda de Lalín, as Pandereteiras de A Carballeira de Cercio e o Bruxo Queimán.
A Gala do Cocido de Lalín celebrarase dúas xornadas antes da XLVI EDICIÓN DA FEIRA DO COCIDO, Festa de Interese Turístico Nacional que, co paso dos anos, se consolidou como un dos principais eventos gastronómicos de Galicia.
