17 / 09 / 2020
ABERTO O PRAZO DE MATRÍCULA
PARA O CURSO 2020/2021 NA NOSA
ESCOLA DE BAILE E MÚSICA TRADICIONAL
Ata o vindeiro 31 de outubro podedes matricularvos nas actividades do novo curso da nosa Escola de Baile e Música Tradicional, no que aplicaremos as directrices e protocolos de seguridade recomendados polas autoridades sanitarias. A solicitude de matrícula debe realizarse directamente a través da nosa páxina web, cumprimentando un sinxelo formulario.
A nosa escola imparte clases tanto a nenos e mozos de 4 a 14 anos coma a adultos. Nesta páxina encontraredes máis información, así como o formulario para matricularvos, e neste enlace podedes consultar os horarios das actividades:
— Acordeón (música tradicional)
— Linguaxe musical e solfexo
— Instrumento (clarinete, saxo, frauta)
— Canto e pandeireta
— Orfeón tradicional
— Gaita
— Baile tradicional (Adultos)
— Baile tradicional (De 4 a 14 anos)
— Pandeireta (De 4 a 14 anos)
— Percusión (Adultos)
— Percusión (De 4 a 14 anos)
O novo curso iniciarase durante o mes de outubro: proximamente informarémosvos das datas concretas.
Podedes solicitar máis información chamando aos teléfonos 696 733 368 (Rafa) ou 629 714 972 (Ana). Tamén podedes seguirnos en Facebook, onde vos manteremos informados de todas as novidades relacionadas coa Agrupación e a súa Escola.
