Ata o vindeiro 20 de setembro encóntrase aberto o prazo de matrícula para o novo curso na Escola de Baile e Música Tradicional da Agrupación Folclórica Colexiata do Sar. A solicitude de matrícula debe realizarse directamente a través da nosa páxina web, cumprimentando un sinxelo formulario.

O Grupo A da Escola de Danza e Música Tradicional da Agrupación Folclórica Colexiata do Sar recibiu o Primeiro Premio na categoría B (de 11 a 16 anos) do XXXVIII Concurso de Baile Tradicional Xacarandaina. Ademais, recibiron o Premio ao Mellor Bailador. O certame celebrouse o 3 de xuño de 2018 no Palacio da Ópera da Coruña, e neste enlace podedes ver un vídeo da súa actuación.

O vindeiro sábado 19 de maio, a partir das 20:30 horas, celebrarase o IIº Cantos de Taberna do Barrio de Sar, organizado pola Agrupación Folclórica Colexiata do Sar e a Asociación Cultural «Eu de Sar de Toda a Vida».